صدقنى يا قلبى مانتش قلب

حوار بيدور بينى وبين قلبى بردو مآلفه والحكايه انه اتجرح مره من واحده وعاوز ينتقم بس من اى واحده وكلام على ادى يعنى يارب بس يعجبكم


ليه يا قلبى بتعمل كده وتقول لآى حد بحبك ...... انتا اساسا مش كده وماتعرفش كلمه بحبك

يمكن عشان مش حسيتها ...... ولا عشان كتير استنتها

كل اللى تقابله تقوله بحبك بجد ...... وانتا كل حياتك لعب مالوش حد

صدقنى يا قلبى مانتش قلب ....... عشان بتحب اى حد

وكمان مش عارف تداوى جروحك ........ يا اخى روح طلعت روحك

لما انتا مش اد الحب مره ...... ليه عاوز تكرره تانى مره

كنت الأول بتحب بجد ...... وكان حبك مالوش حد

راح منك اغلى حبيب....... وفيها ايه ده نصيب

تعبت اه وانا عارف ...... وكمان لجرحك كنت شايف

انجرحت مره وتعبت منها ....... ودلوقتى انتا بتدفع تمنها

بس تمنها مش حاجه عاديه ...... ده جرحك ف الناس بقى تمثليه

دراما متآلفه ومكتوبه بجد ...... وحبك للناس محبوش حد

بقيت قاسى اوى والكل عندك يهون ...... وهاتفضل كده طول العمر عامل زى المسجون

حب اول مره اشوفه ...... ولو منك مش عاوز اشوفه

لو عاوز تاخد بتارك يبقى منها هيه ...... مش تروح للباقى وتعمل تمثليه

هما مالهم ذنبهم ايه ....... عشان حبوك ولا عشان ايه

فعلا ده كان ذنبهم ...... بدليل مانتش واقف جمبهم

اجرح فيهم يا قلبى ...... ياللى خلاص مابقتش قلبى

مش عارف احكم عليك ..... وغريبه نظره عينيك

بجد انتا تحير ...... ولكل الناس متغير

بتبينلهم حب جديد ...... وانتا قلبك قاسى شديد

يا قلبى سيبهم يعيشوا حياتهم ....... وماتضيعش كل طاقتهم

طاقتهم بذلوها ف حبك ...... يا عينى غلابه ومحدش ادك

انتا بقيت قاسى اوى ...... وفاكر نفسك فهلوى

حرام بجد يا قلبى عليك ....... دول بجد مش لعبه ف ايديك

سيبهم بقى يعيشوا حياتهم ........ ويعوضوا كل اللى فاتهم

انتا عارف ان انتا مش بتحبهم ....... سيبهم بقى بلاش جرحهم

هما مفكرينك بتحبهم .........وانتا نفسك تجرحهم كلهم

عشان تعوض جرح قديم ......... من واحده جرحتك من سنين

بجد فرحت فيك يا قلبى ......... ياللى خلاص مابقتش قلبى

من الأول حذرتك منه ......... وانتا اصريت تقرب منه

طب اشرب بقى يا قلبى ......... ياللى خلاص مابقتش قلبى

طب اشرب بقى يا قلبى ......... ياللى خلاص مابقتش قلبى

طب اشرب بقى يا قلبى ......... ياللى خلاص مابقتش قلبى

;كتابت اعز اصحابى درش